راح واحد يتقدم لشركة مايكروسوفت يشتغل في وظيفة - فراش - وبعد المقابلة والاختبار (تنضيف أرض المكتب) ،قالوا مدير التوظيف انه نجح واتوافق عليه وهيبعتلوا بيانات شغله وهيبدأ امتى ... على الايميل.
... ...
استغرب المدير وقالوا اللي معندوش ايميل مش موجود اصلا واللي مش موجود مالوش شغل !
خرج الراجل وهو معندوش امل يلاقي شغل ،
فكر كتير هيعمل ايه وهو مش معاه غير 10 دولار, هيعيش ازاي؟!!.
بعد تفكير كتير قرر يروح سوق الخضار ويشتري قفص طماطم ويعدي على البيوت يبيعوا.
نجح وال 10 بقوا 20 دولار وكرر نفس الموضوع تلات مرات لغاية ما رجع بيته يومها معاه 60 دولار .
عرف الراجل انه يقدر يعيش علطول بالطريقة دي وبقى يخرج الصبح من بدري ويرجع باليل.
ابتدأ يكسب وربحه يزيد واشترى عربية صغيرة يوزع بيها وشوية بعد كدة جاب عربية نقل كبيرة لغاية ما بقى عنده اسطول لتوصيل الطلبات للبيوت.
بعد خمس سنين الراجل ده بقى من اكبر الموردين للأغذية في اميريكا !!!
ولضمان مستقبل أسرته فكر الراجل انه يشتري بوليصة تامين على الحياة فاتصل بشركة التامين وجالوا الموظف بالبوليصة ،
فطلب منه موظف شركة التامين أنه يديلوا الايميل!!!
رد عليه الراجل بس انا معنديش ايميل!!!!
استغرب الموظف وقالوا معندكش ايميل وقدرت تعمل الامبراطورية دي كلها!!
اومال بقى تخيل لو كان عندك ايميل كنت بقيت ايه ؟؟؟
الراجل فكر وقالوا :
فراش في مايكروسوفت ؟!!
.
.
.
مع احترامي الكامل للفراشين وكل واحد بيشتغل شغلانة شريفة, اشتغل م الاخر
source
